破紀錄近四萬人去跑渣打馬拉松，趁墟者包括港大校長徐立之，用咗一小時二十五分鐘跑完十公里。據講徐校長平日都有行下山，但係因膝頭哥問題，唔係咁跑得，只係行完全程。
講開噚日天氣唔好，好多選手都唔舒服，校長都話天氣差唔適合跑步，港大就好細心，特別安排咗工作人員幫啲選手做按摩，徐立之都有幫襯㗎！由於今年港大有好多人參加馬拉松，校友、學生及職員組成嘅龐大參賽隊伍有超過一千一百人，由職員同學生組成嘅啦啦隊，凌晨五點已經到場打氣，一直叫到八點幾鐘，都咪話唔辛苦。港大最後獲大會頒發「最鼎力支持大獎」第一名，以示鼓勵。
爆料熱線：29290000、27860099
報料傳真：26239278
報料電郵：[email protected]