睇車書最怕係齋吹，今期《AUTOCAR》又有老毛病，做大幾部未出嘅車，其中一部係奧迪Q7四驅車，《AUTOCAR》記者話好快會推出，講到好正咁，但轉頭又話始終不及寶馬部X5，無太大驚喜，不過咁，照我睇，Q7車廂設計依然保持住Audi一向手工正、用料靚嘅作風。《AUTOCAR》結論：以一部3,000ccV6四驅車來說，其操控已算不俗，轉向亦敏捷，特別是引擎，筆者都予不錯的評價，不過香港未有Q7到嘅風聲，所以無同感。
搵笨齋Talk兩部Supercar
書前半部有兩部Supercar，一部係MercedesBenz同麥拿崙車隊合作設計嘅SLRSupercar，廠方話呢部預計會在2008年推出的超級跑車，拍得住法拉利部F430Modena，08年喎，老友，到時法拉利都有新車喇。另一部暫時名為「Hellcat」的Supercar，是一部依照跑車而設計的街車，5.0公升V8前置引擎又輕又細，廠方打算一個月製造5部，呢個牌子聽都未聽過，你講幾勁都得喇。