張文慈、陳苑淇和關智斌（Kenny）前晚在沙田出席新城電台主辦的「單身貴族年宵派對」。
張文慈穿上低胸裙亮相，內裏的黑色胸圍若隱若現，獲頒最具魅力情人和完美夢中情人兩獎。而陳苑淇奪新一代完美體態情人，Kenny則被封為新一代電眼情人。
張文慈說：「我知嚟攞獎，特登買呢件春裝。我覺得自己嘅魅力係夠平均，所以成日攞呢啲獎，其實最想攞演藝方面嘅獎，好似最佳女配角。啲人比較注意我嘅身材，雖然係事業上嘅阻礙，但至少有人欣賞，都係好事嚟。」她又謂未試過跟男友度情人節，皆因通常佳節前便分手，或是過了情人節才認識男友。
Kenny賺錢追女
而Kenny則應要求現場認識單身少女，雖明言自己沒車沒樓，但對方仍甜蜜點頭，Kenny說：「我睇報道話香港女仔唔介意樣，但要錢，我未有車未有樓，都係畀心機做嘢先。」
採訪：楊潔雯 攝影：陳俊強
