今年雙春兼閏月，唔少人會拉埋天窗。結婚自然要買樓築愛巢，經絡鄭偉雄預期，新婚人士係今年樓市新動力。 經絡早前就派員走訪多個婚姻註冊處，訪問二百對準新人，六成八打算今年買樓，首選中小型住宅，六成七打算買二百萬蚊有找嘅樓。經絡反應快，即開新婚按揭易專線，免費提供按揭諮詢，搶佔生意。