近期喺昆明拍緊無綫新劇《太極》嘅胡杏兒，日前專程返港拍廣告𢱑銀。噚日係情人節前夕，杏兒同一名貌似吳彥祖嘅日籍靚仔男模，喺中環蘭桂坊拍攝婚紗照。雖然噚日涼浸浸，好彩着住露肩婚紗嘅杏兒可以攬住個靚仔溫暖吓，其後佢哋又去擺花街嘅飾物檔，攬住啲七彩毛毛影靚相，吸引唔少街坊睇熱鬧，一齊感染呢對「情侶」嘅甜蜜氣氛㖭。