張栢芝與古巨基合作演出電影《野蠻秘笈》，這對拍檔在前日元宵佳節，扮作情人相約共晉晚餐，基仔送了三呎高Barbie公仔及玫瑰花給栢芝，而栢芝就回贈一件迷彩睡衣。
送貼身禮物
栢芝自稱現時冇男朋友，她說：「唔知點解，每年都咁黑仔，冇男友過情人節，每次都係情人節前就分手，就算有拖拍都冇乜特別節目，今次同基仔一齊食情人節大餐，都係難忘嘅回憶，我送件迷彩睡衣，係希望佢好似軍人咁打仗場場勝，雖然我唔係基仔女朋友，不過我一直都好想送睡衣畀男朋友，感覺貼身舒服，好warm。」
此外，基仔同樣聲稱現時未有戀愛對象，他說：「我冇女朋友，雖然栢芝亦唔係我女友，但我覺得女仔喺情人節應該收到花，所以送玫瑰畀栢芝。」
撰文：魯萍