獲利炒家連日錄幾單

獲利炒家連日錄幾單

個市旺番少少,炒家即刻心郁郁出貨賺番筆。
市場連日錄得短炒獲利,其中上環普頓臺高層兩伙,共逾千三呎,啱啱以六百四十萬易手,每呎四千七。上手業主上個月以五百二十萬入,揸咗唔夠一個月,賺兩成幾,即百二萬。
粉嶺嘉盛苑C座中層六百呎單位,以一百零二萬賣出,呎價千七蚊。原業主舊年七月以八十四萬買入,件貨七個月升值超過兩成,賺十八萬。
再嚟係沙田第一城炒家,舊年十二月,以一百一十二萬買入三十九座中層四百一十呎單位,日前以一百二十四萬沽出,呎價逾三千,樓價唔夠兩個月升咗超過一成,賺十二萬。