早前有份調查，係美國管理顧問公司TowersPerrin做嘅，調查結果話去年亞洲區內人工最高一族，係新加坡嘅高級行政人員，佢哋平均年薪達100萬美元，全球就排名第7。但香港呢，就連十名都唔入，竟然排到第11位，差過日本都唔出奇，但差過巴西就……唔通香港真喺咁唔掂？
唔使咁悲觀。最近有間人事顧問公司E.LConsult嘅調查話，香港今年經濟好咗，加上過完年𢭃完花紅，大家都搵工跳槽，所以市場對行政人員嘅需求激增，今年1月嘅職位空缺就比前一個月多咗33%，其中，銀行及財經機構對行政人員嘅需求更多咗成45%。
需求大咗自然要畀好啲人工吸引人才，香港呢班高級打工仔實有機會加薪，起碼都追番入十大啦。