昨日方力申、傅明憲、劉心悠、謝天華等人參加渣打馬拉松比賽，小方於跑畢二十一公里的路程後感到腳底麻痹及抽筋，他透露比賽過程中是追着一位混血美人兒才有力量跑下去。
方力申、傅明憲、劉心悠、陳思慧、羅仲謙及謝天華等人昨日參加十公里的馬拉松賽事。眾藝人當中只有方力申參加二十一公里的賽事，他以一小時四十八分跑畢全程，他透露途中未能保持應有的速度，所以便與同行的朋友想了一個令自己跑得起勁的方法。
邊跑邊尋目標
方力申說：「我同個朋友沿途望吓有乜目標人物，之後就跟住佢後面跑，最後我哋搵咗一個有model樣嘅靚女混血兒做目標，不過最遺憾係我跑輸咗畀佢。」小方又指元宵佳節有工作在身，故此不會慶祝，他說：「我連西方情人節都唔慶祝，總之我冇約人又冇人約啦。」
謝天華表示感到最辛苦的跑程是入西隧一段，又指沿途不時有市民跟他打招呼。傅明憲則以一小時二十二分完成十公里的賽事，她表示因為疏於練習，故成績比去年差。
欠練習成績差
傅明憲說：「我舊年只係用咗一小時十七分，可能之前節日掛住去玩冇練習，成段路最難跑都係西隧一出嚟嗰段長命斜。」傅明憲左腳大腿背貼上膠布，她指是早前於加拿大滑雪時弄傷。
余文樂、2R及張敬軒擔任馬拉松的打氣嘉賓，阿樂昨日要趕往上海拍攝汽水廣告，他表示元宵及情人節都是在工作中度過，他笑說：「我寧願有工開有錢賺，如果冇錢，又自己一個人喺屋企坐，咪重dry？」
採訪、攝影：李珮洳
