行政會議成員夏佳理噚日以馬會主席身份，出席一個由馬會慈善信託基金撥款資助嘅香港少年領袖團萬宜訓練營開幕禮，今次阿Ron重帶埋太太同細仔夏嘉康一齊，十足家庭同樂日一樣。十三歲嘅嘉康帶住部菲林相機呢度影下、嗰度影下十足攝影師咁。佢話呢部相機係一年前由個拍賣網站以二千蚊投番嚟，重話好玩過數碼相機。唔講唔知，嘉康雖然係鬼仔一個，但係佢嘅普通話重好過廣東話。
夏佳理喺檢閱後，重同身邊朋友講笑，話如果呢個團體可以令到佢個仔乖啲嘅話，都會考慮將個仔送嚟香港少年領袖團接受訓練。
傳真︰2623-9278
電郵︰[email protected]