鄧麗欣（Stephy）昨天趁元宵佳節，出席將軍澳一個商場活動，示範整湯圓，本身也愛下廚的她，即場找來兩批歌迷比賽做湯圓。其中兩位男歌迷十分聽話，應Stephy要求拖着手做湯圓，她還笑說兩男歌迷可考慮拍拖，事後她說：「我講吓笑咋﹗佢哋本身係朋友，唔會因為我講完而發展。如果佢係咁聽話，都唔知益佢定害佢喇！總之唔好因為我而改變方向啦！」
情人節慶煞科
另外，元宵佳節和情人節Stephy均要在工作中度過，明天Stephy會出席電影公司的煞科宴，她說：「或者到時送朱古力畀全部人囉！可能知道大家冇情人所以就喺嗰日搞，諗住熱鬧啲。同埋Miki（楊愛瑾）喺嗰日生日，或者同佢食飯慶祝。」
採訪、攝影：王連連