古巨基、元華及元秋昨日到觀塘宣傳新片《野蠻秘笈》，女主角張栢芝則缺席。基仔大讚栢芝是最佳女友，還笑稱女友太漂亮會提心吊膽，故寧選平凡女子做情人，似向助手兼緋聞女友Lorraine派定心丸。
古巨基、元華及元秋在昨日元宵佳節現身觀塘apm，宣傳電影《野蠻秘笈》，與現場觀眾大玩應節遊戲，包括「絕世武功」、「比武招親」及「情投吻合」。其中「情投吻合」要求藝人隔着一塊膠片，跟觀眾親嘴，不過因部份藝人對此有所保留，故最後改由現場觀眾額貼額完成，基仔及元華則在元秋面頰貼上膠片，面貼面做樣給記者拍照。
天使面孔魔鬼身材
雖然女主角張栢芝因事缺席宣傳，但基仔在台上仍不忘賣口乖大讚栢芝有齊男人夢寐以求的條件，就連接受訪問期間仍繼續有讚冇彈，他說：「栢芝有天使面孔，魔鬼身材，佢唔單止有動嘅一面，重可以好文靜。」不過他補充謂未有親眼目睹栢芝的魔鬼身材，一切都是道聽塗說而已。
雖然基仔對栢芝讚不絕口，但他表示暫無意追求對方。基仔說：「唔敢諗，我又唔係老外。唔想搵咁高質素、咁完美嘅女朋友；都係簡單啲好，唔想俾人望蝕。」此話似是有意無意向其緋聞女友兼助手Lorraine派定心丸。
元華太太返港度歲
此外，元秋表示剛從韓國歸來，她說：「囡囡重喺韓國玩緊，我要開工，所以返嚟先。」元華則表示太太特地從加拿大返港度歲，他已有半年未有返回溫哥華，故希望完成手上工作後到當地休息充電。
採訪：何永寧 攝影：陳俊強
