本港知名工業家，喺03年攞到出口市場大獎嘅飛達帽業副主席兼董事總經理顏寶玲，喺公司春茗時對記者慨歎，佢話自己好愛香港，但都不得不向現實低頭，自去年開始，已經逐步將廣東廠房生產嘅帽，改由鹽田港出貨，去年佔產量50%，今年將增至82%，因為可節省成240萬。
佢話好多港商三、四年前已轉由鹽田出貨，佢係最遲一批。𠵱家鹽田港愈做愈旺，船期班次比香港更密，只係當地海關要求貨物早一日報關，但人哋每個貨櫃處理費只係500蚊，香港嘈咗咁耐要求碼頭經營商減費都無效，政府又冇符，依然維持2000、3000蚊個櫃。
班碼頭營運商喺深圳都有碼頭，香港生意少咗對佢哋冇影響，但本港物流行業工人就大鑊。真正係奸商。