近排香港突然多咗好多死雀，令人有啲擔心野鳥有無禽流感，但鍾情觀鳥嘅高永文醫生就唔擔心，上個月同乖仔去雲南觀鳥之外，下個月仲會參加香港嘅觀鳥比賽，幾個朋友一組，喺廿四小時內鬥睇得多唔同品種嘅野鳥。
雖然米埔暫時關閉，但香港仍然有唔少地方可以觀鳥，好似塱原有二百幾種雀、蒲台島可以睇到貓頭鷹；唔同時分仲有唔同嘅樂趣，好似入黑時分可以聽到好特別嘅貓頭鷹叫聲，喺大埔度靜候晨曦一線之際，可能睇到十多二十種雀。
但睇雀要好耳、好眼、要認識唔同鳥嘅習性，唔係人人都得，八方就冇咁好耐性喇。
傳真︰2623-9278
電郵︰[email protected]