一個裝住十蚊台幣（約港幣二個四）嘅利是，喺網上賣到成七十二蚊港幣？係阿扁嘅新年利是喎，只得一萬八千個，算係限量版，攞到嘅人就發啦！為咗攞意頭，貴成三十倍大家都爭崩頭。聽聞重有網友拍賣三十個○四年嘅猴年阿扁利是，都係十蚊台幣，但係喺網上直接購買要港幣四百三十幾蚊，拍賣價都升到港幣三百六十蚊。