昨日一眾年輕歌手於世貿中心出席信用卡宣傳活動，衞蘭對於有傳黎明（Leon）將會榮升父親一事大表驚訝，她更指Leon早前到印尼旅行是為她尋找新碟的音樂靈感。
衞蘭（Janice）、應昌佑、吳雨霏（Kary）及薛凱琪（Fiona）等歌手，昨日於世貿中心出席信用卡推廣活動。對於有雜誌指Janice早前到日本旅行時，與妹妹不理工作人員禁令，偷偷去六本木的夜店消遣，對此Janice表示絕對沒有偷偷去過夜店，晚上只有到便利店買零食。
即時扯開話題
而有雜誌拍下黎明與女友樂基兒於峇里旅行的親熱照，且指Leon將榮升父親，Janice對此大表驚訝，她說：「吓！你哋知咁多嘅？我哋乜都唔知㗎。」此時應昌佑扯開話題並說：「黎生係我哋兩個嘅爸爸呀，佢好緊張我哋嘅工作㗎。」而Janice透露Leon旅行之餘，亦買了很多CD送給他們作為新碟的創作靈感。
陪父母睇豔舞
而昨日Fiona透露早前趁假期與父母到拉斯維加斯旅遊，三人竟為看無上裝表演而意見分歧，她笑說：「原來唔着衫嘅騷都有分男人同女人兩種，阿爸就話睇女人，阿媽就話睇男人，最後我決定兩樣都唔睇，於是去咗睇馬戲團。」
此外，Kary指日前上網與朋友傾談時，發現大部份朋友都在蜜運中，故她希望快些找到合適的男朋友，她說：「以前好多男仔都嫌我太男仔頭，到我𠵱家留長頭髮，佢哋又有女朋友，睇怕我就快要寫大字報招親，或者要落廣告搵男友。」
採訪：李珮洳 攝影：陳慧安
