新年過去，喺北京，好多人都將貴價禮品攞去當舖，大部份客人都無意贖回禮品，搞到當舖變成禮品收購店。有當舖工作人員話，啲禮品唔只擠佔空間，亦都抑制現金流。典當品包括金條、數碼相機、瑞士名表、意大利水晶項鏈等。由於禮品大多數都係人哋送嘅，當主從來唔會討價還價，當舖可以用較低價賣出去，新年後，當舖成為市民「淘寶」對象。