劉德華前晚在灣仔舉行音樂會，請Twins擔任嘉賓，其間蔡卓妍（阿Sa）主動親吻華仔，令他十分愕然。華仔獻唱《一個人睡》時，揚言情人節會一個人睡覺，結果惹來台下fans喝倒采。
劉德華前晚在灣仔會展舉行「新城劉德華唱好情歌音樂會」，Twins、林家棟和黃日華擔任嘉賓，蔡卓妍母親攜男伴捧場。華仔唱《一個人睡》前，自言跟許多單身人士一樣經常一個人睡覺，fans聽罷即大喝倒采，到歌曲尾聲時，華仔又說：「好多人問我男人會做嘅嘢，我會好好計劃，大家唔使擔心，好快會計好，但今個情人節我真係一個人睡。」
阿嬌保貞操
阿Sa與阿嬌（鍾欣桐）以華仔天地會員打扮出場，獲華仔送上特大會員卡，阿Sa問華仔：「我知入會後有得攬攬錫錫。」華仔叫阿Sa上前親嘴，沒料到阿Sa真的上前跟華仔接吻，令華仔一臉愕然，但沒多久他即轉向阿嬌舔脷，示意阿嬌吻他，可惜被阿嬌拒絕，阿嬌說：「好在未獻出我嘅螢幕初吻，如果真係錫，我嘅貞操就俾你毀咗。」
問華仔被阿嬌請食檸檬的感受時，他說：「我幫你哋問吓佢，我咁做都係怕佢哋內訌啫。」問華仔一個人睡的言論被fans喝倒采，他笑說：「一個人咁成熟穩重，單身唔出奇，要我畀乜嘢答案吖？」
問阿嬌為何請華仔食檸檬？她說：「當日我同馮德倫拍戲都係錫面，我怕Mani（霍紋希）鬧，見到華仔舔脷就更加驚。」
阿Sa避談情
此外，早前有報道指阿Sa與鄭中基到美國度歲，但阿Sa不願再回應，並揚言除了華仔外，她不會談其他異性。
採訪：王連連 攝影：葉君海
