薛凱琪（Fiona）、吳雨霏（Kary）與古巨基等歌手昨日出席在黃埔街頭舉行的《浪漫滿街音樂會》。
Fiona憑《早熟》獲提名香港電影金像獎最佳新演員，她昨日高興地說：「公布當日我同屋企人喺拉斯維加斯，係毛舜筠打電話通知我，之後我就即刻打畀導演同監製。」被問到有沒有信心得獎時，她笑說：「周杰倫太強啦，今次入圍就當攞獎，𠵱家開始搵緊靚衫贊助，冇得上台都希望尊重大會，着得靚啲。」Fiona透露今年已接拍三部電影，但盡量不會影響唱歌方面的發展。
代派利是得啖笑
日前有雜誌指基仔與助手兼緋聞女友Lorraine好事近，並指Lorraine在新年期間替基仔大派利是，對此基仔笑言新聞得啖笑，他昨日說：「其實嗰張相係有間報館畀封利是我助手，跟住畀我影新年相，當係同《野蠻秘笈》做宣傳。」
採訪：馬建華 攝影：陳俊強
