《無間道》
「我個人鍾意阿澤喺《無間道III》嘅演出多過第一集，第一集入面嘅佢，係好典型嘅杜汶澤，雖然觀眾冇人有咁嘅睇法，但我同佢太熟，知佢又做番自己，反而第三集入面有啲突破。」
《大丈夫》
「呢套戲嘅角色，係我特別設計畀佢嘅，亦似番佢平時，我一直知道總有一日我會搵佢演出，因為我覺得佢會紅，搵到佢做我好開心。雖然佢當初推過我，但我冇唔開心，因為好少人好似佢咁，好多演員你唔搵佢，佢自己都走埋嚟，雖然佢以前只係茄喱啡，但慢慢變為黃金綠葉，呢套戲佢係做得最好嘅一個。」
《情義我心知》
「黎明同杜汶澤都做得好落力，佢哋碰埋係有火花，但火花少，化學作用唔夠，好似唔係好擦得着咁。」
《伊莎貝拉》
「我冇睇錯，由當初佢做茄喱啡嘅時候，我打電話畀佢開始就冇睇錯，佢係有資格做主角嘅，呢套戲大家可以見到一個完全唔同嘅杜汶澤，平時見唔到嘅杜汶澤，對佢嚟講，到目前為止係好重要嘅一套戲。」
