八和會館噚日喺佐敦逸東酒店舉行新春團拜，主席陳劍聲（右）、關海山（蝦叔、中）同民政事務局局長何志平都有出席，陳劍聲話已經同政府反映，希望提供永久場地畀粵劇界演出，佢話：「○九年一月同新光戲院嘅租約會屆滿，今次業主無條件兼冇加租續約，實在係我哋粵劇界嘅大恩人，但係人哋始終係做生意，所以我哋一定要着手處理○九年後嘅演出場地。」