鍾鎮濤（阿B）早前被破產管理局入稟高等法院，指他早年與前妻章小蕙共同持有的公司CultureStarLtd資不抵債，帳目不清，申請頒令要求他昨日出庭應訊，但阿B昨缺席。
阿B昨午在電話中表示：「我今日有嘢做冇去到，事前已經諮詢過律師意見。」阿B女友范姜昨日於數碼港出席活動表示阿B缺席上庭並非逃避，她說：「件事同佢私人破產係無關嘅，係佢同ex-wife（章小蕙）以前開嘅公司嘅事，我哋問咗破產官，兩單嘢冇關連嘅。」
十月中重生
而阿B昨晚出席電影公司春茗時，多次強調自己無違反破產令，佢話：「件事係我同章小姐十幾年前成立嘅公司，呢間公司嘅帳目唔清楚，所以佢地要問番清楚咁解，呢件係民事（訴訟），我完全無違反破產令，無犯規，好守規矩！」阿B仲好開心咁透露自己嘅破產令會喺今年十月中屆滿，佢話：「十月中我就重生喇，我之後有好多大計。」
採訪：何永寧 攝影：林德雄