旺角瓊華中心老闆娘阿Fi：
今個禮拜想買部notebook，一定要夠薄，重要嚿電夠耐用，最怕睇完碟就無晒電做嘢。有朋友話新出嘅聯想X60s電池好襟，做普通嘢都可以用上11小時，重有指模認證，唔怕其他人開到機，不過萬五蚊真係要諗諗。
Beauty-Tech化妝師Zoe：
最近都有化妝品想買，不過都是先買條牛仔短褲。睇過幾本雜誌，DSQUARED有一條牛仔短褲，低腰款，洗水嘅顏色唔錯，又容易襯，襯高踭鞋和boot都得，最重要係今年勁興嘛！
ＩLColpo髮型師Warden：
原本想睇《斷背山》，但已有很多報紙雜誌勁講，已知大概內容了。反而很想睇《慕尼黑》，電視播嘅宣傳片好吸引，好似好特別。史匹堡嘅電影每年都有新品種，想睇今次佢用甚麼手法處理呢種敏感題材。
官恩娜：
我要剪頭髮，要剪Bob頭，因為今年無論長嘅Bob頭，或短嘅Bob頭都好Hit。不過，我只會剪長嘅。我重想箍牙，箍透明嗰種，好多明星都箍啦！
