早幾年，好多香港情侶都到台灣影結婚相，無非貪價錢平景點靚，今時今日去台灣影相唔再係熱潮，因為香港嘅婚紗攝影已開始注重外景，大玩雜誌feel，最hit最受新潮情侶追捧嘅地方已經唔係教堂、大會堂，而係好有風味嘅大牌檔、寺廟、嚤囉街等意想唔到嘅地方。
記者：許維雅Model：Heidy@HKGenesis&Joe@calcarries
攝影：Pit@tiweddingphoto
Makeup&Hair：Meegan@maevon（女）、Kinki（男）
大牌檔豪邁盡現
大牌檔有着多年香港獨特飲食文化，而且重有大量飲品、食物和餐具作道具，叫杯鴛鴦來個合巹交杯豈不更有意思！加上新一代年輕人喜歡玩自拍、snapshot，流露自我個性；更可以一邊食一邊影，捕捉最真性情嘅一刻。
婚紗（tiweddingphoto）
頭紗（Couple囍）
文武廟傳統味濃
文武廟一向係熱門旅遊景點，既富中國廟宇傳統氣息，亦有百年建築物味道，襯上懷舊設計西式婚紗，很有中西合璧嘅感覺，深受情侶歡迎。除文武廟外，廟旁四方街有舊式鐵閘作陪襯，對面又有遊樂場，可以影相嘅景多到數唔晒。
婚紗、頭飾（Couple囍）
嚤囉街招搖
要拍下自然生活照，熱門推介係嚤囉街。嚤囉街賣嘅全是中國特色舊貨，一檔檔具風格嘅小舖，如古董店、中國筆墨畫店、各式地攤等，加上人流唔多，老闆親切友善任影唔嬲，屬心水推介。
婚紗（tiweddingphoto）
頭紗（Couple囍）
沙灘玩濕身
台式婚紗攝影最早流行嘅係着住婚紗在沙灘上你追我逐，現今香港潮興嘅重可以玩到落水影濕身look，配合藍天白雲靚海景，呢張大相都夠晒煞食啦！
浪漫撐木筏
想有原始樸素嘅感覺，可以到鄉村撐木筏，相片立刻變得寧靜舒服。選擇到一些郊外嘅湖景，簡單嘅一張構圖亦有驚喜效果。
淒美小雨點
以前影婚紗照一定要天朗氣清，現今婚紗公司就連雨景都一樣可以出街照影，以求拍得浪漫淒美嘅效果，大受客人歡迎。
大都會夜景
以前婚紗相多取日景拍照，不過現今唔少人都喜歡拍黃昏夜景，加上香港有東方之珠嘅美譽，一張有格調嘅夜景相又怎能少得呢！
shoplist
精選攝影套餐
tiweddingphoto（28381039）
外景婚紗攝影$3,880（不限地點，6-8小時拍攝時間，包新娘婚紗2套、新郎禮服、形象設計連化妝set頭、一張24×30油畫連架、電腦設計相冊合共1本）
Couple囍（31562760）
婚紗禮服租借套餐$4,388（包婚紗、新娘新郎晚禮服、伴娘裙等合共租借5套。化妝、攝影服務費另加。）
RelyonBridal（23981329）
台式100%全包套相$7,999（包婚紗3套、新郎禮服2套、形象設計連化妝set頭、一張24×30油畫連架、相冊3本，電腦設計相冊1本、娘家冊2本連相片）
婚紗從簡
大露背 溫柔典雅
大露背款式加上特長拖尾，散發一點點貴氣。DeepV設計加上斜紋布料，令新娘子性感得來更具線條美。
婚紗（RelyonBridal）
頭飾（Couple囍）
皺絹層次感強
用皺絹、軟紗和絲排列出層次感強烈嘅婚紗，因為簡約有線條，係年輕一族嘅熱門之選。
婚紗（RelyonBridal）
頭飾（Couple囍）
斜肩具魅力
婚紗用上網紗底間上棉線嘅直紋設計，可減低婚紗隆重誇張嘅感覺。斜肩設計則可帶出女性性感魅力。
（Couple囍）
ti攝影師Calvin
做咗十年室外婚紗攝影嘅Calvin，覺得一張最靚嘅婚紗相係兩夫妻都好開心咁去拍，能影到兩人流露出好深嘅愛意就係最靚嘅相。佢話好多時見到男方滿不願意咁影，幾靚嘅景同婚紗都冇用！
