相比上海舊年商品住宅平均價格升得嗰百分之九點二，深圳升得多好多，有一成七；深圳官員話，普通住宅查實升一成一，係因為豪宅升咗兩成六，推高咗整體樓價。另外，多港人住嘅羅湖，樓價升得最細，得百分之三點九；福田同埋南山就升一成七同三成六。寶安同埋龍崗就升兩成九同兩成七。專家估計，今年上半年住宅供應依然緊張，下半年供求先會平衡。而國家建設部就話到明，今年會繼續加強房地產市場嘅調控。