古巨基與張栢芝前晚齊出席新戲首映，電影公司安排基仔踢轎門迎接栢芝，氣氛熱鬧。談到情人節及老外男友時，栢芝即顯得沒精打采，難道栢芝與老外又再情海翻波？
古巨基與張栢芝主演的新戲《野蠻秘笈》前晚在觀塘舉行首映，除了兩名主角外，元華、森美、導演王晶及其有份客串的女兒也有出席，基仔首先踢轎門，迎接轎內的栢芝步出，然後眾人進行爆石山儀式，石山爆開後，現出「票房至尊」四個大字，現場隨即噴白煙，基仔與栢芝見狀立刻彈開。
情人節冇男友
栢芝前晚獲Bvlgari贊助逾四十七萬首飾亮相，基仔也戴着一隻價值十二萬的名表示人，二人行頭十足，但談到情人節話題，栢芝竟顯得沒精打采，她說：「情人節又係咁，平時咁過囉。」
有指栢芝父親與胞弟過年時齊到老外男友家拜年，栢芝冷冷道：「唔想回應呀，寫嘅唔同我講嘅，唔想再俾人無視同將我啲嘢放大。」問她是否與老外復合，栢芝謂：「又係咁。」其後有電視台記者問她和老外可有復合打算，她又稱「暫時冇」，還表示入行後年年情人節都冇同男友一起度過。
栢芝又謂自己信教，不會買桃花過年，聖誕節也沒添置聖誕樹，但她又說：「呢套戲好開心，特別係佢喺情人節上畫，之前我喺賭城贏少少，有發新年財囉。」有指栢芝在賭城做騷反應差，她即勞氣表示反應好好，更聲稱為免被誤會，請了兩個人長期在她身旁拍攝，又會選擇性地給電視台播放片段。
而基仔就透露戲中有一場與栢芝練玉女心經的戲份，他要赤裸上身露兩點，基仔說：「栢芝着tubetop，拍呢場戲都冇so，我對眼要黐膠布，貼咗個X字樣呀，栢芝重着數可以睇我。」
否認撇女助手
基仔又謂狗年是個好開始，他會歌影兩棲發展，問到情人節有甚麼節目，基仔說：「做嘢呀，做完嘢同栢芝睇戲囉。」有指基仔早前在日本旅行，一見記者即撇下傳聞是女友的女助手，他解釋：「根本唔係咁，當時重有個造型師㗎，我助手見記者影相就上車先，我重要幫fans簽名，我哋三個人一齊搭車走㗎，我對助手咁好點會咁做。」
此外，基仔昨日到沙田出席濃情千歲宴，與一班長者預祝情人節，他表示很羨慕那些結婚六十載的老人家仍能相親相愛，基仔說：「我都好想學吓。」同場麥玲玲指基仔狗年事業運繼續好，但健康要注意喉嚨方面的疾病，愛情則無望，叫他不要找與自己一同工作的女友，基仔聞言笑說：「風水命理聽咗當趣味，我唔會信晒，只作參考。」
採訪：何永寧、楊潔雯 攝影：仇志德
