做零售啲老友最近均笑淫淫，因為情人節緊接農曆年，生意仍然暢旺。Casio代理，有波士之稱嘅麥先生，便從日本引入人手製造，價值$168,000玻璃小提琴，擺喺Sogo做宣傳，冇諗過賣，點知一樣有定單，聽講係一闊佬送畀初學小提琴女友之定情信物，令人感動！而後面街總統商場間水貨舖「日指」，睇準情人節檔期，返咗限量2,000隻嘅ApeG-Shock，全紅色，夠晒激情，賣$2,380，全港最平。行內人話呢個價冇錢賺，且聽老闆「純情」解釋：「呢隻表日本同炒舖拆要$2,100至$2,200，初時香港班同行個個嫌貴話唔返，有啲返都話只markup少少，賣$2,400。個個唔睇好，我便逆水而行博一鋪，擸重貨，自己做大莊便可炒上炒落。點知返港後，原來大部份行家已靜靜雞入貨，做$2,480至$2,880不等，佢哋得一兩隻，但我有五十幾隻，所以賣平啲當做宣傳，好彩走勢唔錯，個個買嚟做情人節禮物。其實𠵱家全行唔敢入重Ape，因為4月1日香港BusyWorkshop正式開張，未知到時對水貨生意有乜影響？」
大食Jack（[email protected]）