港姐冠軍葉翠翠及亞軍陸詩韻昨日陪同無綫行政主席邵逸夫（六叔）出席新春活動，身體壯健的六叔更向二人表示自己已經一百歲，並傳授養生心得，還口花花大讚陸詩韻皮膚白，非常精靈。
港姐冠軍葉翠翠、亞軍陸詩韻、季軍林莉及最上鏡小姐鄧上文，昨日聯同無綫行政主席邵逸夫及副行政主席梁乃鵬等，出席在電視廣播城舉行的《無綫丙戌新春團拜嘉年華》。
被讚好兆頭
六叔昨日由葉翠翠及陸詩韻陪伴進場，兩位港姐全程有如左右護法般傍到實，明年便足一百歲的六叔精神奕奕，面露笑容。六叔面對陸詩韻時更表現得口花花，六叔說：「你好白！」在玩Bingo時六叔又手指指，提示身旁的葉翠翠及陸詩韻，非常精靈。
眾港姐昨日均打扮得非常密實，令陸詩韻穿稍稍低V的裙子，已輕易突圍而出，被六叔大讚，令陸詩韻受寵若驚，她說：「阿Sir（六叔）好風趣，梗係希望俾佢讚係好兆頭，我都有問阿Sir凍唔凍，佢話成日有做運動，唔使着咁多衫。」
沾高層賭運
葉翠翠昨日獲梁乃鵬相贈中獎Bingo彩券，興奮不已，又大讚六叔好眼力，她說：「佢同我講佢一百歲啦！保持身體健康嘅要訣係食清淡啲。玩Bingo更加係好眼力過我哋。」
採訪：卓美娟
攝影：仇志德
