重記唔記得早幾個星期介紹過三個Chopper狂迷？佢哋將愛車張相寄咗去《CustomBurning》參加改裝比賽，雖然贏唔到，但一樣有得見報，香港人揚威日本，確實係值得一睇嘅！
《CustomBurning》是日本電單車權威雜誌，今期一口氣刊登咗361部改裝車，阿RICK同馬騮就係唯一嘅香港參賽者，筆者重話估唔到香港都興玩Chopper文化，對佢哋兩個架戰車有唔錯嘅評價。
今期重有三百幾個高手將架愛車改裝，脫胎換骨兼改頭換面，呢世人都未見過咁多奇形怪狀嘅改裝電單車，就算唔識日文都覺得值回票價。再睇埋後面，原來重有埋專家教你點樣玩改裝、改裝配件介紹等，都算係改車狂迷必讀天書！
黃婉冰字
