Rosanne與Race是圈中出名的孝順女，凡事都以家人為先。近日一對好姊妹正面臨大挑戰，正所謂「男大當婚、女大當嫁」，2R的爸爸希望明年五十歲生日前能夠一嘗當外公心願。為此，正為事業搏殺的2R費盡心思都想不出對策，最終惟有借用譚校長年年廿五歲做法，祝爸爸年年四十九歲。
自從投入娛樂圈後，2R經已甚少時間陪屋企人，兩姊妹趁農曆新年假期返屋企過年。近日2R又開始為爸爸六月踏入四十九歲的生日而惆悵，因為今次她們將要面對一個大挑戰，原來爸爸曾明言希望五十歲抱孫做外公，距離這個目標只剩年多時間。
實行拖字訣
家姐Rosanne苦笑表示雖然本身很喜歡小朋友，可惜現時連男友及老公都未有，何來完成爸爸願望。在旁的Race則扁扁嘴說：「𠵱家真係未有心理準備做媽咪，惟有今年開始祝Daddy年年都四十九歲，實行拖字訣。」
2R計劃於爸爸六月慶祝生日同時影全家福，Race表示入行後結識不少攝影師及化妝師朋友，希望與家人影一輯又型又潮的全家福。
以三妹為榮
日前2R收到於美國讀大學二年級妹妹的好消息，妹妹於學校成績理想，獲頒發獎學金，更有機會到白宮學習兩星期，Rosanne說：「妹妹遲啲重要飛去紐約面試，因為有間大機構去大學挑選新員工，妹妹經過兩次面試，入到最後六個名額，真係好勁，我哋以佢為榮，真係好開心。」
採訪：馬建華
攝影：陳偉權
