「我成日都同佢傾偈㗎，佢會吱吱咕咕咁應我，如果冇咗佢，我會好失落㗎。」政府禁止家中飼養家禽法例實施在即，環保回收公司老闆娘吳胡美美飼養「亞雞」及「雞女」分別一年及半年，對牠們有着深厚感情，她聲淚俱下懇求政府能酌情讓她繼續飼養兩隻愛雞，讓牠們頤養天年，「最多政府要我領牌就領牌、檢驗就檢驗，就算困住佢哋都得，只要唔好叫我推佢哋去死！」
一年前公雞亞雞不請自來吳太經營的店舖，其夫給牠吃食物後仍不肯走；半年後，附近的清道夫把母雞雞女送給吳太，來陪伴亞雞，一家四口從此多了兩名新成員。一想到兩隻雞的性命可能不保，吳太不禁聲淚俱下，「每次我餵佢食飯，佢都會輕輕啄我，好似催我快啲，我會似氹細路咁氹佢。」
「拎番的骨灰都好」
「佢哋真係好乖、好有靈性。」今年一月，年老的亞雞左腳患關節炎，吳太花了逾千元為牠治療，現正痊癒；原以為可看着亞雞百年歸老，「如果到最後真係要交出嚟，我寧願幫佢哋打支針安樂死好過焗死，拎番啲骨灰都好！」她擁着愛雞說：「我𠵱家日日都會剪爛啲叉燒飯畀佢食，一年喇，真係好有感情。」此時，亞雞竟然也「眼濕濕」，要吳太的兒子替其拭去眼淚。
本報記者
