洪朝豐本定於明日出院，然而，昨晚他忽然致電記者，揚言醫生不批准他出院，洪朝豐不忿地說：「我一直住喺醫院，住到佢（指醫生）死為止，𠵱家就算佢畀我出院我都唔出，一直住到佢死為止，等佢死咗之後我再自殺！」
日前入住東區尤德夫人那打素醫院精神科病房的洪朝豐，在醫生悉心照料下，情況似有好轉。昨日早上八時許他致電記者時思路明顯較早前清晰，他說：「我唞到年十四（即明日）先至出院，到時我一出院就會直接去銅鑼灣嘅Paris1516cafe開記者會，公布年十五（元宵）舉行嘅『七年之癢日月星辰洪朝豐以歌會友音樂會』詳情。」
「住到佢死為止」
洪朝豐續說：「到時每位入場朋友連晚餐飲品收費一百，嚟採訪嘅傳媒都要畀入場費，我唔係唔夠錢使，只係象徵式收十分一做演出費，其餘全數畀晒間cafe！另外，我又準備出書，講吓喺精神病院嘅所見所聞。」
然而，其後情況急轉直下，昨晚九時半洪朝豐再致電記者，揚言明日出院開記者會及於後日開騷計劃有變，他說：「本來法庭判我羈留七日，到今朝十一點已經期滿，但個醫生唔畀我出院，我好後悔同佢簽咗份同意書，話要等到醫生同意為止我先至可以出院，初時我不以為意簽咗，結果佢𠵱家玩嘢唔畀我出院，搞到記者會開唔到，個騷又做唔到！」
洪朝豐語帶不忿的說：「佢要玩嘢吖嘛，我就同佢玩到底！𠵱家就算佢畀我出院，我都唔出，一直住到佢（指醫生）死為止，等佢死咗之後再自殺。」
採訪：戴彩煥
