亞姐出身的饒珮君近年十分熱衷拉丁舞，去年十二月，她終可達成夢想，在銅鑼灣開設第一間屬於自己的跳舞學校。早前饒珮君趁着農曆新年將跳舞坊布置一番，更請來風水師布下風水陣，希望舞坊財源滾滾，人氣更旺。
熱愛舞蹈的饒珮君尤其擅長拉丁舞，自拜師舞王周志坤老師之後，她一直希望開設一間舞蹈學校，寓工作於娛樂。去年十二月底，饒珮君終夢想成真，在銅鑼灣開設第一間屬於自己的舞蹈學校「饒珮君．美麗人生創意工作室」。
但在去年十二月十七日舞蹈學校開幕當日，適逢韓國農民反世貿大遊行，銅鑼灣一帶封路，令到不少嘉賓未能出席開幕禮。
銅錢藏氈底
饒珮君說：「其實我搵過人睇日子開張，因為我要聖誕前開張，可以吸納更多聖誕假期嘅小朋友學跳舞，點知遇到世貿，好似陳啟泰、朱慧珊都因為塞車嚟唔到，真係有啲唔開心。」
為了新一年可以事事順利，饒珮君特別在農曆新年前請風水師布置風水陣，希望跳舞學校生意興隆，財源滾滾來，饒珮君說：「除咗擺新年裝飾之外，我重放咗幾個銅錢喺門口張黃色地氈底，寓意財入黃金屋，重有條風水柱，不停轉錢入舞坊。」
葫蘆吸是非
饒珮君續說：「而紅色年花就係旺人緣，我哋做娛樂圈呢一行好需要人緣好，最後一樣就係要遠離是非，做藝人少不免就係是是非非，所以高人教我買個玉葫蘆，收晒所有是是非非入去，咁樣就會事事順利，得心應手，財富自然滾滾來啦！」
採訪：楊潔雯 攝影：陳俊強
髮型：IIColpobyWardenLuk
