官恩娜（Ella）演出的新片《地老天荒》即將上映，雖然是一部悲情片，但她與周俊偉拍攝一場結婚戲時卻鬧出不少笑話，Ella扮死時忍不住笑要頻頻NG，竟令原本悲傷的場面添歡樂氣氛。
由麥啓光執導、影壇新人官恩娜和周俊偉（Lawrence）主演的電影《地老天荒》將於下周四（十六日）上映，故事講述飾演音樂人阿杰的周俊偉，與飾演啞女的官恩娜即將結婚，在婚前一星期，阿雪遇上交通意外，同時發覺自己的生命只剩下一星期。
呼天搶地好笑
面對離開至愛的打擊，阿杰堅持要完成二人的婚禮，雖然是一幕悲慘的情節，但拍攝當日卻鬧出不少笑話。由於Ella與男主角完成婚禮接吻後便要離世，但Ella一看見Lawrence的傷心模樣，便忍不笑發笑，她說：「其實拍kiss戲唔難，最慘係要忍笑，因為劇情講我同Lawrence完成個婚禮就要死，佢見我死咗當然要做到好傷心，但我聽到佢喊到呼天搶地就忍唔住笑，就算死忍都冇用，因為我一郁就要NG，所以最終都要take幾次先拍完。」
首次接拍結婚戲的Ella與Lawrence更獻出了他們的銀幕初吻，Lawrence說：「拍嘅時候心情好沉重，劇情講我終於可以同最愛結婚，但佢又會好快離開我，總之搞到又開心又傷心，要掌握好情緒先至唔會怪，所以我顧住個mood都冇心情諗點錫Ella。」
拍攝前Ella更做足準備，吃完珍寶珠才埋位拍攝，Ella笑說：「拍之前佢食咗香口膠我就食珍寶珠，諗住甜甜哋好錫啲。雖然第一次拍電影就獻出銀幕初吻，但我反而好輕鬆，我只係當真係結婚就得。」
撰文：羅慧敏
