鐘表界美女胡敏珊一向愛動物，她早前遊澳門時，無懼禽流感殺到，到媽祖廟放生雀鳥積福。胡敏珊在澳門還向八姑娘何婉鴻拜年，獲對方熱情款待。
新春期間胡敏珊先後到澳門及泰國遊玩，大年初一她與母親及同事遊澳門，先到媽祖廟燒大炮仗，她說：「大炮仗吊起成個人咁高，我初時都好驚，唔敢玩，後來點咗都燒成兩分鐘。」
積福祈求平安
近日香港多處發現雀鳥屍體，惹禽流感恐慌，不過胡敏珊在澳門時曾到媽祖廟放生雀鳥積福，問她不怕染病？胡敏珊說：「唔怕，個心冇諗呢啲，我係求平安、求舒服。我每年生日同新年都會放生雀，最多一次試過喺大潭放一百隻雀仔，都試過放生鯉魚。」她表示將來亦會繼續放生雀鳥。
胡敏珊透露八姑娘何婉鴻是其母的朋友，新春時到八姑娘家拜年，胡敏珊說：「佢間屋有棵好大嘅桃花，個個同事爭住行圈催旺桃花，搞到我都冇得行。八姑娘好nice，佢彈鋼琴，彈咗幾首jazz招待我哋。」
信姻緣講緣份
今周胡敏珊會到大嶼山祈福、拜觀音，元宵則會到天后廟，問單身的她可有求愛情？胡敏珊說：「我祈福唔求姻緣，呢啲講緣份㗎，情人節我可能都會去台灣，喺工作中度過。」
採訪：RitaLeung
