新城財經台喺君悅酒店擺春茗，新任阿頭（董事總經理）Ｂ姐擔大旗，落力招呼三百幾位客人，在君悅搞得咁大場面，睇怕係有錢賺啦，Ｂ姐飲得杯落。
行會議員梁智鴻以前曾在新城財經台主持節目，碰到左丁山，叫聲佢做「梁議員」，佢話：「唔好咁見外」，於是稱呼佢做梁醫生，佢又話：「只有我啲病人先至叫我做醫生，你係唔係要睇病呀？」大吉利是，即刻稱呼佢做CH。哈，掂咗，CH話：「董生唔喺度，唔會產生誤會！」左丁山邊有資格稱呼董先生為CH呀，不過認識梁智鴻夫婦咁多年，又識佢嘅老襟賓架Ｌ耐到都不知年，叫聲佢做CH，唔算過份。CH之外父，係報壇前輩，左丁山還是細路之時，已經睇《華僑晚報》嘅「李文」財經專欄，「李文」原是馮先生，係六、七十年代嘅權威財經評論員，記得做過《華僑》老總。馮生有兩位靚女，一個係醫生，嫁咗CH，另一個係律師，嫁咗賓架Ｌ，傳聞賓架Ｌ追馮小姐之時，揸架法拉利到港大法學院接馮小姐放學，令其他港大男仔望而卻步。
賓架Ｌ已經轉行，唔喺銀行界服務，中環搵佢唔到，可以去高爾夫球場碰見佢，最近在飯局上見到賓架Ｌ，唉吔，頭髮一樣濃密，只係冇以前咁烏卒卒啫，身材就弗到漏油，一睇就知道運動充足，駐顏有術，再揸架車上港大追女生，仍然有資格，佢嘅天賦如此，左丁山惟有大歎血統不如。問賓架Ｌ有冇打劍，佢話：「現在揮棒不揮劍，邊度重可以跳跳紮呀！」劍擊講求步伐輕盈，移動靈活，少啲氣力都唔掂，打高爾夫比較舒服好多。一位老友話：「你估曾俊華啲劍術好，還是賓架Ｌ厲害呢？」答案好簡單啫，報紙報道過曾俊華喺喇沙時係劍擊高手，現在亦有間中教吓年輕人打劍，但賓架Ｌ係男拔萃嘅劍擊精英噃，曾入選香港奧運劍擊代表隊，出席莫斯科奧運（因美英西方國家杯葛蘇聯，香港隊冇去莫斯科），以此資歷，賓架Ｌ應該打劍叻過曾主任。不過呢啲事無謂爭論邊個叻，邊個當紅就算邊個威啦。
CH之外父，係報壇前輩，左丁山還是細路之時，已經睇《華僑晚報》嘅「李文」財經專欄，「李文」原是馮先生，係六、七十年代嘅權威財經評論員，記得做過《華僑》老總。馮生有兩位靚女，一個係醫生，嫁咗CH，另一個係律師，嫁咗賓架Ｌ，傳聞賓架Ｌ追馮小姐之時，揸架法拉利到港大法學院接馮小姐放學，令其他港大男仔望而卻步。
賓架Ｌ已經轉行，唔喺銀行界服務，中環搵佢唔到，可以去高爾夫球場碰見佢，最近在飯局上見到賓架Ｌ，唉吔，頭髮一樣濃密，只係冇以前咁烏卒卒啫，身材就弗到漏油，一睇就知道運動充足，駐顏有術，再揸架車上港大追女生，仍然有資格，佢嘅天賦如此，左丁山惟有大歎血統不如。問賓架Ｌ有冇打劍，佢話：「現在揮棒不揮劍，邊度重可以跳跳紮呀！」劍擊講求步伐輕盈，移動靈活，少啲氣力都唔掂，打高爾夫比較舒服好多。一位老友話：「你估曾俊華啲劍術好，還是賓架Ｌ厲害呢？」答案好簡單啫，報紙報道過曾俊華喺喇沙時係劍擊高手，現在亦有間中教吓年輕人打劍，但賓架Ｌ係男拔萃嘅劍擊精英噃，曾入選香港奧運劍擊代表隊，出席莫斯科奧運（因美英西方國家杯葛蘇聯，香港隊冇去莫斯科），以此資歷，賓架Ｌ應該打劍叻過曾主任。不過呢啲事無謂爭論邊個叻啲，邊個當紅就算邊個威啦。