朱凱婷早前到海嘯災區布吉島旅遊，穿上三點式泳衣碧波暢泳，更遇上裸曬鬼妹，眼福不淺。適逢當地舉行同志嘉年華，朱凱婷湊熱鬧期間，竟遭四位激凸男同志當街熊抱狼吻；驚魂甫定，才發現同志堆中不乏型男，有個更十足十萬人迷球星碧咸！
南亞海嘯發生距今已有一年多，重災區之一布吉島經過當局努力復修及重建後，已漸漸回復昔日光彩。早前朱凱婷便應旅行社邀請，以嘉賓身份隨團出發往當地玩足五日，實行寓工作於玩樂。
仆到去睇
適逢布吉正舉行一年一度的同志嘉年華PhuketGayFestival，朱凱婷即往湊熱鬧，上街參與大巡遊，怎料竟遭狼吻！
朱凱婷表示事發時她正打算拍照留念，怎料有四名男同志突然趨前攬着她擁吻，令伊人大吃一驚。朱凱婷說：「我當時有啲突然，真係嚇咗一跳，基佬冇理由會咀女人㗎！後嚟睇清楚啲，發覺原來佢哋都幾靚仔㗎，我哋重見到個鬼佬好似碧咸咁，於是爭住去睇，搞到差啲仆親！」
冇膽裸曬
此外，朱凱婷又偕友人去到距離巴東（Patong）一小時車程的海灘，享受陽光與海灘，還穿上三點式泳裝碧波暢泳，湊巧遇上鬼妹裸曬上身，令她大開眼界。問到朱凱婷可有意效法？她說：「我重未夠膽，雖然我哋唔會用鹹濕嘅眼光去睇。我諗日後有機會同老公度蜜月嗰陣可能會咁做，但𠵱家有朋友喺度，會覺得尷尬，都係欣賞吓人哋好。」
朱凱婷笑言此行大有收穫，除了有機會大啖泰式海鮮外，還買了很多民族珠片衫返港，朱凱婷說：「今次都使咗唔少錢，當係獎勵吓自己過去一年咁辛苦啦！」
撰文：卓寶花
