最近似乎唔多利好美容類相關股份，先有現代美容（919）在上市前出現負面消息，後有卓悅控股（653）發出盈利警告，現代美容掛牌首日即刻破底，卓悅昨日亦大跌12.18％，收1.91元。
現代美容識得彈
雖然首日即刻破底，但經紀陳話現代美容其實算係咁，早市跌至0.78元，收市抽番上去0.91元，成交股數5531萬股，金額5059萬元，較招股價跌9％，已經比起原先大家估計跌得少，但負面因素消化前睇嚟唔會有人夠膽走去博反彈。
另外，近排大市炒到㷫烚烚，可說雞犬皆升，陸續有細價股被發掘，明豐珠寶（860）繼大前日急升，前日回軟後，昨日又再發力衝上，升13.51％，收0.42元，成交股數3982萬股，金額1553萬元。
經紀陳好耐之前曾話過明豐可炒大陸零售概念，但一直未見有動靜，只係久唔久有人出嚟露兩手，但今次因為市況相就，終於突然跑出。
慕容小初