擁有36D勁爆上圍的李蘢怡（Tiffany）去年因舊愛Chris另結新歡而被飛，日前她自爆被圈外男士熱烈追求，不過Tiffany已不敢再闖情關，更說：「個個男人都賤格。」
李蘢怡年前與網頁設計師Chris拍拖而無心工作，但最後對方竟另結新歡。在情場上徹底敗陣的Tiffany此後雖不乏追求者，奈何情傷留陰影，她揚言不敢拍拖，更向追求者大派酸溜溜檸檬。
短訊飯局攻勢
日前Tiffany接受記者電話訪問，透露近期有圈外男士向她展開追求，她說：「我過年都冇買桃花，但都好多桃花，有個圈外男仔追緊我，日日短訊狙擊，又話好鍾意我，重問我幾時有時間食飯，我話下個禮拜啦。」她續說：「其實我有朋友都識佢，於是我就問個男仔，介唔介意我帶個朋友出嚟，佢都明白係帶個電燈膽出嚟，佢冇出聲，轉咗話題。」
問Tiffany是否曾經滄海才不敢拍拖？她直說：「唔想啦，之前講咗話唔拍拖，都驚㗎，個個男人都賤格嘅，個個男人都鍾意挑戰，所以點解咁鍾意睇波呀，唔通個波話你哋唔好打我呀？經一事長一智，唔衰得㗎啦。」
拍散拖嘥精神
有圈中女星鍾情拍散拖，但Tiffany就稱負擔不起，她說：「好嘥精神，其實開心過嘅一定記得，唔開心亦一定記得，就因為記得以前，至有𠵱家咁醒目，識得分手後的起心肝做嘢。」
採訪：朱倬誼
攝影：林德雄
髮型：[email protected]
化妝：JessicaChan
場地：GOSSIP51
