王菀之（Ivana）與張敬軒同為具有音樂才華的新人，近日他們常被人取笑是緋聞情侶。對於傳緋聞，Ivana表示感覺好玩，又表示明白因大家覺得她和張敬軒同是創作人及外表乖乖，故很多人亦希望促成他倆拍拖。Ivana說：「我都冇懷疑過，因為都覺得大家好襯，不過同軒仔實在太熟，我哋已經去到知己好友嘅關係。」
催促回鄉探望
張敬軒亦表示身邊不少人亦追問他和Ivana的緋聞是否屬實，其居住在廣州的媽咪在看過報道後，亦致電叫他不要只顧拍拖，張敬軒說：「之前有人影到我哋行中環，咁啱嗰排我忙緊寫歌，兩個月冇返廣州，媽咪就叫我唔好淨係掛住拍拖而唔去廣州探佢。」
採訪：馬建華
攝影：陳偉權