十七歲的梁洛施（Isabella）憑主演杜汶澤監製的電影《伊莎貝拉》，獲提名今屆柏林影展最佳女主角，雖然能否成為柏林影后仍屬未知之數，但Isabella透露在拍戲期間，杜汶澤每天都在房門攝紙條鼓勵她，令她至今銘記於心。
梁洛施憑彭浩翔執導的電影《伊莎貝拉》，獲提名今屆柏林影展最佳女主角，Isabella以十七歲之齡，繼蕭芳芳和張曼玉後，問鼎柏林影后寶座，難怪她形容自己心情好像發夢一樣。
童年經歷啟發
由梁洛施和杜汶澤主演的電影《伊莎貝拉》，是講述澳門一個單親女孩的故事，Isabella是生長於澳門的單親家庭，她早前接受訪問時說：「我細個嘅經歷對演出絕對有幫助，我好易入戲。真係好開心，我好多謝導演同阿澤（杜汶澤）揀我，因為我知佢哋重有其他選擇嘅。拍攝時又成日落雨，睇見阿澤同導演個樣真係好愁，當時佢哋兩個都冇晒心機。」
雖然Isabella指身兼監製的杜汶澤壓力極大，不過阿澤仍不斷鼓勵她，令她銘記於心，Isabella說：「我哋喺澳門拍嘢，成日朝早起身見到房門地下有紙仔，原來係阿澤寫嘅鼓勵說話，睇完之後真係好開心，估唔到佢都會好似細路仔咁。」
下周出戰柏林
情人節當天一行人會遠征柏林，Isabella將以影后候選人身份踏上紅地氈，她說：「今次會去一個禮拜，好緊張呀，佢哋之前都冇話過會參加比賽，知道嗰一刻真係好似發夢咁，其實我當自己已經攞咗獎。」
採訪：藍文浩 攝影：林德雄
場地提供：theHamptonsfurniture
服裝提供：FrenchConnection
