市民狗年買狗求旺，已成為普遍心理。即使過完年，寵物狗仍然大賣，一個星期已經要入成四、五次貨。據統計，春節嗰八、九日，珠海拱北蓮花路嘅寵物店一共賣出一千隻狗，相比起去年同期賣出個幾十隻，真係差好遠，唔怪得要通過機場空運狗仔啦。需求咁大，好多平日只係賣三百幾蚊（人民幣．下同）嘅狗仔，𠵱家冇五、六百蚊都唔會賣。