肥平噚日孖住兩個女署長陳甘美華同王倩儀同傳媒拜年，何太胡慧中（圖）更擔任特別嘉賓，到場打個轉，順便又派吓利是，等大家高興吓。
不過何太就早咗走，原來都係為咗接囡囡放學。肥平個女查實好巴閉，因為佢同黃仁龍及林海峰Jan個囡囡同一間幼稚園，真係年紀小小就識落唔少名人之後。八方聽聞呢間位於北角寶馬山嘅幼兒學校，每個月學費高達九千幾蚊。
林海峰囡囡林泳原來高肥平個女一級，但無礙兩個星級媽咪交往。何太話湊囡囡放學時，都有見到林海峰個老婆彭羚，覺得對方好nice。
肥平都知囡囡間學校有好多「明星仔女」，重話識黃仁龍個女，重早過識黃司長㖭呀。
傳真︰2623-9278
電郵︰[email protected]