農曆年過後，發展商開始出招賣樓，事前嘅熱身動作梗唔少得，繼泛海國際嘅油塘鯉灣天下明日內購，長實嘅葵涌雍雅軒正密鑼緊鼓部署開盤。 中原地產噚日就搞咗場精英會，請嚟長實營業經理梁焯鏗出席，親授開單秘笈，順便激勵士氣。 雍雅軒有九百二十四個單位，面積介乎六百幾至近千呎。如無意外，都係長實集團今年嘅頭炮新盤嘞。長實曾透露將參考同區新樓定價，然再加一成半，又話已經聯絡銀行，提供低息按揭優惠及免息供付款方法。近排樓按息率戰如火如荼，唔知內容夠唔夠吸引呢？