情人節將至，Krusty的張詠恩（Jan）、活己嵐（阿嵐）和ILoveYouBoyz的少爺占及Donald日前相約到九龍塘「拍拖」逛街，少爺占和Donald即席示範冧女招數，鮮花和靚衫屬必然之選。
女子組合Krusty的張詠恩、活己嵐和ILoveYouBoyz的少爺占及Donald日前相約到九龍塘又一城的agnesb.「拍拖」逛街，由於情人節將到，少爺占和Donald表示要教教各位讀者冧女友的招數，兩人異口同聲表示要𠱁得女友開心，荷包自然不可以慳。
鮮花不可缺
少爺占和Donald笑言情人節出外與女朋友穿着情侶裝是必然之選，因為這正好代表兩人心心相印、感情一致，而情人節為女友送上一束鮮花亦不可少，他們說：「如果可以親自包裝鮮花就最好，因為正好代表你對女朋友嘅心意，而且如果女友喺情人節冇花喺手，行出街都會好瘀啦。」
不過現實生活中，Donald曾試過大手筆送過一支價值八千多元的色士風給愛侶，不過女朋友收了禮物後即飛甩他。
Donald說：「我哋拍拖兩年，點知佢會咁飛我，真係幾hurt，搞到我都唔敢再拍拖。」
望男友下廚
而Krusty雖然現時冇拖拍，不過講到情人節她們都如一般少女，希望男朋友可以為自己下廚，而阿嵐更表示只要大家開心，日日都可以是情人節，她說：「我最想有個男朋友，喺我唔開心時可以喺身邊，最好就好似爸爸一樣咁照顧我，自己可能缺乏父愛，所以都想男朋友大過自己好多，最少都要大我四、五年先會接受。」
採訪：駱華齡 攝影：葉君海
場地提供：agnesb.（又一城）
