XBOX360行貨殺到！機迷話：喂！我一早買咗水貨喇。代理在商場設置扭蛋機，自然是為宣傳而不是為了賺你十元八塊。香港人無論大人或細路都喜歡扭蛋，這部扭蛋機全港得兩部，因為Size巨型，加上是XBOX360的外形，想要扭？麻煩排隊啦，$10抽一次的襟章，最少要$240先抽得齊，不過問Fans出幾錢買全套，$600都有人出！
記者：馬靜兒 攝影：陳偉強
23個襟章逐個睇
XBOX360扭蛋全部是襟章，共有24款，分6個星期推出，每個星期推出4款，明天開始已是第三個星期。很多人都唔知分期推出，據推廣員透露，每個星期只會加入四款襟章，所以最初兩個星期的襟章數目愈來愈少，想儲齊惟有準時每個星期「交罰款」。24款襟章只有一個XBOX360主機款式的襟章尚在製作階段（未曝光！），其餘23個當中，以3個遊戲為主題的襟章最受歡迎，相反英文字款的襟章較乏人問津。
扭蛋機地點：兩部機分別於旺角新世紀廣場、沙田新城市廣場擺放
4米高扭蛋機
XBOX扭蛋機跟一般扭蛋機不同，外殼完全是一部巨型版的XBOX360，高4米，要4個人手拖手才能環抱，十分矚目。扭蛋機的一邊兩個扭蛋的出口位，另一邊則有兩部電視機，播放XBOX360推出的遊戲片段。
玩家愛邊個？
$400-$600都有人買
以$10扭一次計，要儲齊全套24款，至少要$240，但要24次就抽齊24隻，難度重高過一注中六合彩。日本扭蛋每次在日本推出後，玩具店總有一SetSet發售。但XBOX360呢套宣傳扭蛋，要買Set無可能，咁Fans究竟願意出幾錢買一套呢？
玩具舖：我哋都攞唔到貨
問玩具店店主行情，佢哋話都有熟客問過有無貨。但因為這套扭蛋是宣傳用，所以玩具批發商都攞唔到貨，不過炒賣潛質就一般。
D-2Toy的Tommy：「女仔樣的襟章會多啲人鍾意，（原價$10）應該$25都有市。」
「玩具本家」的阿明：「暫時未有全套，好難炒。」
P&P的Paul：「襟章在香港較難炒得起。」
市場熱賣咩扭蛋？
睇完XBOX360扭蛋，旺角信和中心玩具店ToyHobby的阿東說，今期大熱扭蛋一定是《Keroro軍曹》，任何軍曹Product都好賣。另外，《龍珠》第十輯扭蛋亦一出即很受歡迎。
售賣點：Toy'sHobby（27710981） 信和中心12樓1206室
