數過去三年愈嚟愈多人拉埋天窗，舊年四萬九千八宗，代理都虎視眈眈，諗計招攬佢哋置業。 中原黃良昇話，結婚生仔多，有利樓市，新婚夫婦都想有自己嘅竇；生BB需要換樓，舊年有五萬七千人出生，係八年新高。上一個生育高潮係上世紀九十年代，亦都係樓價高峯期。 喺兩大因素推動下，預期今年樓市穩步上揚。過去三年，結婚人數按年遞增，同期樓價同步向上。