側田早前被拍得脫帽後露出M字額的照片，雖事隔多日，但側田對此仍耿耿於懷。前晚他出席無綫節目綵排活動時，即大發牢騷不滿日夜被狗仔隊追蹤，又提議藝人組成狗仔隊，反偷拍報復。
側田、吳雨霏（Kary）、李逸朗及蔣雅文前晚在土瓜灣，綵排無綫節目「浪漫滿街情人節音樂會」。側田自早前被雜誌拍下在家脫帽、露出Ｍ字額的照片後，即成狗仔隊跟蹤對象，令他苦不堪言。
禮待狗仔隊
前晚側田受訪期間，便大發牢騷說：「我同方力申傾偈嗰陣，講過話如果啲藝人合資組狗仔隊，反偷拍番啲狗仔隊就好喇，最多影咗唔出街，等佢哋體會一吓俾人跟蹤嘅感受！」問他為何有此構思？他就說：「成日俾人影，邊有人鍾意㗎？呢輪日夜都俾人跟，跟咗好多日。」
談到早前球星碧咸（DavidBeckham）因不滿被狗仔隊偷拍而怒打對方，側田身旁的Kary聞言竟插嘴說：「呢個行為都值得原諒嘅，因為俾人跟咗咁耐。」不過側田就表示不會打人，相反還會對他們非常友善。
重遇舊情人
側田又謂現在生活如坐牢一樣，還說：「去到邊都俾人跟，返到屋企都要落晒窗簾，好似坐監咁。」續問他希望收到甚麼情人節禮物？側田有點氣憤的說：「希望收到各大周刊狗仔隊嘅地址同電話名單！」
此外，李逸朗透露早前經塔羅牌占卜後，得知自己今年事業運好，故不求桃花，只求可以賺更多錢買車，蔣雅文則希望可以行桃花運有拖拍，她說：「我早排撞番以前個男朋友，佢身邊已經有女友喇！」
採訪：卓寶花
攝影：何國豪
