李珊珊、鄭希怡、戴夢夢和梁洛施等八位女星昨日應邀出席美容產品頒獎禮，新年新開始，各人均悉心打扮亮相。當中最搶鏡的要數性感蛇女李珊珊，身穿低胸裙的她不經意露出乳溝，頓成全場焦點。
李珊珊、楊崢、鄭希怡、梁洛施、譚小環、戴夢夢、吳日言和鄭融八位女星昨日在尖沙嘴海港城為「More第四屆美容產品大賞頒獎典禮」擔任頒獎嘉賓。一班靚女為了在新一年突圍而出，均打扮得花枝招展，一向性感無敵的李珊珊更穿上低胸連身裙，不經意露出乳溝，頓時力壓其他靚女，成為全場焦點。
性感照籌款
最近李珊珊為了替保良局和兒童癌病基金籌款而拍攝了一輯性感照，她說：「做善事冇所謂，嗰啲嘢大家又唔係未見過，咁舒服幫人籌到二十萬，幾好呀。」問其男友錢嘉樂有何反應，珊珊說：「佢覺得冇乜嘢，好平凡，冇乜激動，唔會驚喜，對咗咁耐，我哋係精神上嘅。」
魚腩變鯊魚
而鄭希怡透露新年返家鄉上海探親五日，回港後學會了打台灣牌，更一打打上癮，她說：「上海返香港之後，就約埋啲同事一齊打麻雀，其實我係唔識打台灣麻雀，啲同事知我唔識，所以教我打，重諗住我係魚腩，點知畀我贏咗二千蚊，𠵱家佢哋唔話我係魚腩，話我係鯊魚喎！」
採訪：楊潔雯 攝影：陳俊強
