內地嘅人權狀況麻麻，好似程翔咁，過咗年都冇消息。民主黨副主席何俊仁話，內地唔少人權律師嘅處境都好差，當佢哋幫蟻民爭取法律權益時，往往就俾當局無理撤銷牌照，甚至有黑幫恐嚇迫害佢哋。為咗聲援佢哋，仁哥噚日朝早十點開始廿四小時絕食。
絕食行動今朝十點結束，仁哥噚日特登掛個寫住「絕食」嘅牌，等啲人唔好請佢食嘢。佢黨友單仲偕就話身形有咁上下嘅仁哥咁多「儲備」，廿四粒鐘濕濕碎啦！
仁哥話，內地都有唔少人權律師參加絕食抗議，呢啲迫害一日冇停止，佢哋就一路接力絕食！支聯會已經決定喺今個星期六，去中聯辦抗議！
傳真︰2623-9278
電郵︰[email protected]